عقائد

آسمانی کتابوں سے متعلق

اللہ تعالیٰ نے بہت سی چھوٹی بڑی کتابیں آسمان سے جبرائیل علیہ السلام کی معرفت بہت سے پیغمبروں پر اتاریں تاکہ وہ اپنی اپنی امتوں کو دین کی باتیں بتائیں ، ان میں چار کتابیں بہت مشہور ہیں ۔ تورات حضرت موسیٰ علیہ السلام کو ملی ، زبور حضرت داؤد علیہ السلام کو ملی ، انجیل حضرت عیسیٰ علیہ السلام کو اور قران مجید ہمارے پیغمبر حضرت محمد ﷺ کو ۔ قران مجید آخری کتاب ہے اب کوئی کتاب آسمان سے نہیں آئے گی ۔ قیامت تک قران ہی کا حکم چلتا رہے گا ۔ دوسری کتابوں کو گمراہ لوگوں نے بہت کچھ بدل ڈالا ۔ مگر قران مجید کی حفاظت کا اللہ تعالیٰ نے وعدہ کیا ہے اور اس کو کوئی نہیں بدل سکتا ۔