حج (منیٰ )سے واپسی پر بس میں

یہ جو بشاشت قلبی ہے دکھائے ہے کیا

یوں لگے اس سے ہمارا بھی حج قبول ہوا

کریم رب نے بہائے ہیں کرم کے دریا

خدا کے فضل سے حصہ کچھ ہم نے بھی پایا

خدا کا شکر کہ پورے ہوئے احکام سارے

خدا نے پیار سے ہم کو یہاں پر بلوایا

ہے تقصیرات سے بھرا گو کہ دامن اپنا

مگر حدیث میں مروی ہے ایک قول سنا

جو عرفات کے بعد خود کو گناہگار سمجھیں

وہی بدبخت ہے اس سے الٰہی مجھ کو بچا

دست بدعا ہوں الٰہی تیرے حضور اب میں

کہ مجھ شبیؔر کو بار بار یہاں پر تو لا