خاتم الانبیاء مصطفیٰ پر سلام
سرور دو جہاں مجتبیٰ پر سلام
خاتم الانبیاء خاتم المرسلین
باکمال باجمال سب سے بڑھ کر حسین
محسن ما رسول خدا پر سلام
خاتم الانبیاء مصطفیٰ پر سلام
ظاہراً آخرین لیکن ہیں اولین
رحیم رووف اور نور المبین
رب کے محبوب شمس الھدیٰ پر سلام
خاتم الانبیاء مصطفیٰ پر سلام
جن کے واسطے یہ سب کچھ بنایا گیا
اس زمین آسمان کو سجایا گیا
جو کہ تھے انبیاء کی دعا پر سلام
خاتم الانبیاء مصطفیٰ پر سلام
وہ کہاں ہم کہاں ، ہم فقیر و حقیر
ان کی ملتی نہیں دو جہاں میں نظیر
پڑھ شبیؔر خاتم الانبیاء پر سلام
خاتم الانبیاء مصطفیٰ پر سلام