مجرم سے تو محرم بنے

سر حق کی معرفت میں ذرا تو جھکاکے دیکھ

جو تُو ہے ترے دل میں اسے تُو مٹا کے دیکھ¹

کتنے فضول کام ہمارے نظر آئیں

تھوڑا سا شہرتوں سے تصور ہٹا کے دیکھ²

مسئلے جو تیرےحل نہ ہوئے مال سے اگر

کچھ اس سے تو نادار کو بھی توکھلا کے دیکھ³

کب تک تو بے مہار لذتوں میں رہے گا

ان کو تو شریعت کے دائرے میں لا کے دیکھ⁴

اخلاق حمیدہ سے مسلح تو خود کو کر

اخلاق ذمیمہ کے رذائل دبا کے دیکھ

یہ کام ہے ضروری مگر آسان نہیں ہے

ہاں شیخ جو کامل ہو اس کے پاس آکے دیکھ

دنیا کی چیزیں آئیں نظر ساری تجھ کو ہیچ

اللہ کا تصور ذرا دل میں سجا کے دیکھ

ہر چیز کے ڈر نے تجھے بزدل بنا دیا

ناراضئِ خدا سے تو دل کو ڈرا کے دیکھ

کتنوں کو منانے میں تو ناکام ہوا ہے

توبہ سے ذات بخت⁵ کو ذرا تو منا کے دیکھ

دل عشق سے ہو لبریز عقل اس کی ہو خادم

اور قیِد شریعت میں بھی دونوں کولاکے دیکھ

مجرم سے تو محرم⁶ بنے اک آن میں شبیر ؔ

دنیا کو چھوڑ اس کو تو دل میں سما کے دیکھ