خدايه جوړ کړې تهٔ بنده خالص زما نه
ما روان پهٔ خپلې لار کړې پهٔ اسانه
زہ دَ نفس پهٔ دام کښې ګېر وهم ټوپونه
ما ترې بچ کړې زۂ مدد غواړمه ستانه
زۂ دَ زړۂ نه شمه ستا اؤ تهٔ زما شې
شم روان پهٔ سمه لار ، نه چې پهٔ ورانه
اوس غير ستا کله زما زړۂ کښې رانهٔ شي
بس يو تهٔ مې وے پهٔ زړۂ کښې اے جانانه
ستا پهٔ ذکر مې بس شونډې خوزيدلے
اؤ پهٔ زړۂ کښې مې کتے درته حيرانه
ځان مال وخت اؤ اولاد ټول زما قبول کړې
خدايه تاته مې دا سوال دے عاجزانه
هر ويښتهٔ هره لمحه هره پيسه هم
کړې قبوله خدايه تهٔ دَ شبير خوانه