پهٔ تکليف کهٔٔ مبتلا ئې نعمتونو ته وګوره
چې درکړي کوم دي خدائے هغه څيزونو ته وګوره
دَ زړهٔ سترګې دې بينا کړه چې رښتيا درته ښکاره شي
پهٔ تاريخ دَ تېرو خلقو حالتونو ته وګوره
دَ دنيا پهٔ لذتونو کهٔ دَ ستا دَ نفس نظر دے
دَ جنت ښکلي احوالو نعمتونو ته وګوره
پهٔ دنيا کښې بدي شته دے خو پهٔ دې مايوسه نهٔ شې
پهٔ نېکانو نظر واچو دَ دوی زړونو ته وګوره
تکليفونه دې دنيا کښې کهٔٔ نېکان تېروي خېر دے
پس لهٔ مرګ عملنامه کښې ئې اجرونو ته وګوره
ګېر چاپېر کهٔٔ پهٔ دنيا کښې ډېر سامان دَ ګندګۍ دے
ګند پرېږده شبؔيره تهٔ خپل نسبتونو ته وګوره