دَ چا زړهٔ چې نهٔ وي خدائے پاک پېژندلے
لهٔ دنيا نه هغه نهٔ شي اوړېدلے
چې دَ خدائے سره مانوس دَ چا زړګے وي
دَ دنيا پهٔ طرف نهٔ شي هغه تللے
چې پهٔ سترګو وي پټۍ دَ خواهشاتو
هغه کله هدايت شي بيا موندلے
پهٔ قران کښې هدايت خو واضح پروت دے
چې زړهٔ سم نهٔ وي هغه نهٔ شي ليدلے
چې پهٔ مينه دَ خدائے پاک باندې ککړ شي
لهٔ هر څهٔ نه هدايت شي اخستلے
معرفت دَ زړهٔٔ پهٔ سترګو اخستے شي
اے شبيؔره زړهٔ پهٔ ذکر کړه سپېځلے