چې پهٔ زړۂ باندې وګورم ، وګورم عنوان دَ مينې
خود پهٔ خود ځکه شروع مې شي پهٔ خولهٔ بيان دَ مينې
زۂ کمزورے يم هر چاته رسېدے نه شم دنيا کښې
چې هر چاته مې ښودلے وے ښائسته جهان دَ مينې
اول مينه تهٔ صحيح کړه بس پهٔ خدائے باندې میٔن شه
بيا لهٔ هر څهٔ نهٔ يکسو شه طالب جوړ کړه ځان دَ مينې
پهٔ مجلس دَ عاشقانو ښهٔ ورګډ شه هيله مه کړه
پهٔ تندي کښې اؤ پهٔ زړهٔ کښې دې کړه جوړ نشان دَ مينې
دا پېغام دَ مينې خور کړه چې خبر پرې ټول عالم شي
لهٔ پاکوالي لهٔ وسعت چې شي خبر انسان دَ مينې
اے شبيؔره مفاداتو اور بل کړے دے دنيا کښې
وښايه دَ خدائے پهٔ فضل دوی ته اوس ګزران دَ مينې