دا احساس دَ کمترۍ ډېر لوئې عذاب دے
چې وي دا چا کښې حالت ئې ډېر خراب دے
خرابۍ ورته دَ بل چا ښې ليدے شي
ترېنه پټ دَ بل پهٔ ګوته خپل افتاب دے
دښمنانو دې مرض کښې مبتلا کړو
ځکه مونږ طرف نه پسٔ ورته جواب دے
مخلوقاتو کښې لهٔٔٔ ټولو چې اعلیٰ دے
دَ هغهٔ مخکښې دَ بل چا څهٔٔ حساب دے
مونږ هغه دغو ګنده خلقو دپاره
پرېښودل کړو دغه څنګه انتخاب دے
دَ احساس کمترۍ غوږ ته شبيؔره
ضرورت دے چې تا کړے کوم خطاب دے