چې دَ نيت پاڼه دَ چا صفا سوتره شي
پهٔ اخلاص باندې اعمال ئې ټول ښایٔسته شي
تهٔ خپل ځان کړه دَ هغهٔ پهٔ هر يو کار کښې
قدردان دے هغه ډېر , ستا به هغه شي
بس تهٔ يو فکر کوه بيا فکر نشته
دَدې فکر چې هغه يو تاسره شي
دَ خپل زړهٔ تعلق هغهٔ سره پکار دے
دې سره معامله بيا هر يو ښه شي
دَ دنيا دَ خواهشاتو مستغني شي
چې پهٔ مينه دَ هغهٔ باندې نشه شي
ټوپ شبيؔره کړه دَ مينې سمندر ته
مهٔ ويرېږه لامبو خپله به ستا زده شي