دَ اقبال دغه خودي کهٔ لهٔٔٔ کلمې نه اخستل دي
نو مطلب به دَدې داوي چې خپل ځان فنا کول دي
پهٔ دې لفظ اؤ پهٔ معنیٰ کښې تفاوت راته ليدے شي
نو تطبيق ئې دَ ظاهر اؤ دَ باطن ځکه مشکل دي
صرف لفظ دَ خودۍ نه دَ بقا معنیٰ وېستو کښې
خلق ډېر بيا غلطيږي پهٔ دې باب کښې دا وئېل دي
بې خودي کهٔ شي حاصله دَ فنا تعبير دا اخلي
پس لهٔٔ دې پهٔ اسانۍ بقا خودۍ سره تړل دي
اقبال هغه وخت مجبور ؤ لهٔٔ حالاتو ځکه داسې
ناکافي لفظ ئې واخست چې پهٔ کښې ډېر مسایٔل دي
اوس معنيٰ دَ لا اله کهٔ بېخودی واخلې شبيؔره
تعبيرونه الا الله ته دَ خودۍ خپله حاصل دي