اباديږي چې دَ زړهٔ پرې لارې ورانې
دا دَ نور دي نوراني لارې ودانې
نور دَ زړهٔ نه دَ نبي پهٔ دې رارسي
پهٔ دې کار کښې پکاريږي خانقاه ګانې
سلسلو دَ رواياتو نه خبر ئې
دَ صحبت پهٔ سلسلو ولې حيران يې
دَ صحبت پهٔ برکت ځان ښهٔ خبر کړه
که تهٔ هم دَ برکتونو پهٔ ارمان يې
برکت دَ دغه نور دے سلسله کښې
زمونږ زړهٔ ته وي فائدې پرې راروانې
دَ شبيؔر اشعار پهٔ هغو بس اثر کړي
چې پهٔ چا باندې خبرې دا وي ګرانې