کعبہ سے استفادہ

(حرم شریف میں)

کعبہ کو دیکھ دیکھ کر دل اپنا سنواریں

کعبہ کی حقیقت کو ذرا دل میں اتاریں

یہ گھر خدا کا گھر ہے بڑا گھر ہے اس کی شان

خوب جان لے پہچان لے آج اس کی بہاریں

دیکھ دیکھ کے اس کو دیکھ اس کے ساتھ دل کو جوڑ

دیکھ دیکھ کر اس کی لینی ہیں آنکھوں سے بلائیں

توحید کا مظہر ہے اس کو دیکھ کر توحید

مضبوط کریں اس کو اپنے دل میں بسا لیں

اس پر پڑی ہے حسن ازل کی جو تجلی

شبیؔر اس کو جذب کرکے دل کو بنالیں