دل کا مدینہ منورہ کے لئے تڑپ

( مدینہ منورہ جاتے ہوئے بس میں)

مدینے کی دل کو ہوا کچھ لگی ہے

کہ دکھ میں بھی جانے کی پنہاں خوشی ہے

فضائے مدینہ ہوائے مدینہ

تصور میں دھوم اس کی جیسے مچی ہے

صحابہؓ کا مسکن ملائک کی منزل

وہاں جانے کو گاڑی اپنی چلی ہے

وہ جائے ادب ہے ادب سے ہے رہنا

بڑوں سے یہ بات ہم نے یونہی سنی ہے

چلن پست نگاہی سے بول پست پست ہو

ادب لینے کا ہی طریقہ صحیح ہے

بنا دے شبیؔر کو ادب کرنے والا

الٰہی تو کر پوری جو بھی کمی ہے