خانقاہ رحمکاریہ امدادیہ، راولپنڈی کے شب و روز
خانقاہ رحمکاریہ امدادیہ میں حضرت شیخ سید شبیر احمد کاکاخیل صاحب دامت برکاتہم کی علالت کے باعث حضرت کے خلفا خانقاہ کے معمولات چلا رہے ہیں جس سے طالبانِ حق مسلسل سیراب ہو رہے ہیں۔ دروس کی تفصیل درج ذیل ہے:
آج کی بات
روزانہ صبح بعد از نمازِ فجر تین مختصر بیانات ہوتے ہیں
درسِ قرآن
ریاض الصالحین سے ایک حدیث شریف کی تعلیم
مطالعہ سیرت بصورت سوال
(حضرت شیخ مفتی محمد صدیق عمر صاحب دامت برکاتہم)
جمعۃ المبارک:
ختم قرآن، مجلسِ درود شریف اور اس کے بعد جمعہ کی آخری گھڑیوں میں دعا (عصر اور مغرب کے درمیان) (حضرت شیخ سید عبید الرحمن صاحب دامت برکاتہم)
ہفتہ:
حضرت شیخ سید شبیر احمد کاکاخیل صاحب دامت برکاتہم کی معرکۃ الآرا تصنیف "فہم التصوف" اور حضرت مولانا اشرف علی تھانوی رحمۃ اللہ علیہ کی مایہ ناز کتاب "تربیت السالک" جو سالکینِ طریقت کے خطوط اور ان کے جوابات کا مجموعہ ہے کا درس (رمضان شریف میں بعد نمازِ عصر) (حضرت شیخ ڈاکٹر محمد عمر ملک صاحب دامت برکاتہم)
بعد از عصر (ہفتہ) تا اشراق (اتوار) تک مرد حضرات کے لیے خانقاہ میں اصلاحی و تربیتی جوڑ ہوتا ہے، جس کے معمولات یہ ہیں: نمازِ عصر کے بعد جوڑ بیان اور مجلسِ ذکر میں شرکت، نمازِ عشاء کے بعد تراویح اور صبح نمازِ تہجد اور انفرادی معمولات، ختمِ قرآن اور نمازِ اشراق۔
اتوار:
(خواتین کے لیے اصلاحی بیان) دن 11 سے 12 بجے تک خانقاہ میں شرعی پردے کے اهتمام کے ساتھ۔ (حضرت شیخ ڈاکٹر محمد عمر ملک صاحب دامت برکاتہم) نوٹ: ہر ماہ میں کسی ایک اتوار کو خانقاہ میں صبح 9 سے 12 بجے تک تین گھنٹے کا خواتین کیلئے اصلاحی و تربیتی خصوصی جوڑ ہوتا ہے۔ (یہ جوڑ تاحال حضرت کی علالت کے باعث موقوف ہے)
حضرت مولانا اشرف علی تھانوی رحمۃ اللہ علیہ کی کتاب "انفاسِ عیسی" سے حضرت شیخ سید شبیر احمد کاکاخیل صاحب دامت برکاتہم کے ریکارڈ شدہ بیانات (رمضان شریف میں بعد نمازِ عصر)
انگریزی میں بیان (رات 07:00 بجے) (حضرت شیخ زین العابدین صاحب دامت برکاتہم)
پیر:
پشتو میں بیان (رمضان شریف میں شام چار بجے) (حضرت شیخ جلال صاحب دامت برکاتہم)
اصلاح و تربیت کے متعلق (بذریعہ وٹس ایپ، ای میل اور ٹیلی فون پر موصول ہونے والے) سوالات کے جوابات (رمضان شریف میں بعد نمازِ عصر) (حضرت شیخ ڈاکٹر محمد عمر ملک صاحب دامت برکاتہم)
منگل:
مولانا روم رحمۃ اللہ علیہ کی معرکۃ الآراء کتاب مثنوی شریف کے اشعار کا اردو ترجمہ اور ان کی تشریح (رمضان شریف میں بعد نمازِ عصر) (حضرت شیخ عامر عثمان صاحب دامت برکاتہم)
بدھ:
حضرت مجدد الف ثانی رحمۃ اللہ علیہ کے مکتوبات شریفہ سے درس (رمضان شریف میں بعد نمازِ عصر) (حضرت شیخ حسین احمد صاحب دامت برکاتہم)
جمعرات:
حضرت ڈاکٹر عبدالحی رحمۃ اللہ علیہ کی مشہور کتاب "اسوۂ رسول اکرم (صلی اللہ علیہ وسلم)“ سے درس (رمضان شریف میں بعد نمازِ عصر)
درود شریف کی مجلس (درودِ تنجینا ایک ہزار مرتبہ، اسکے بعد نعت شریف، چہل درود شریف کی سماعت اور مناجاتِ مقبول سے دعا) (حضرت شیخ سید عبید الرحمن صاحب دامت برکاتہم)