عجيبه ځائے کښې کارونه عجيبه دي
دا کوم خلق چې دَ خدایٔ دَ کور سره دي
څوک راغلي دلته دي چې دَ الله شي
دلته څوک دي چې پهٔ لوټ دَ دوی اخته دي
څوک پهٔ مينه دَ الله کښې مست مست ګرځي
داسې لګي دَ شرابو پهٔ نشه دي
څوک لبيک باندې ګويا دي ډېر پهٔ مينه
څوک دَ داسې نظارو پهٔ تماشه دي
څوک چکرې دَ کعبې نه لګوي بس
څوک کعبې ته دَ کتو پهٔ نظاره دي
بس خبره د نيتونو ده شبيره
کهٔ زمونږ ځنې وي پټ خدایٔ ته ښکاره دي