مينه نهٔ لري چې څوک دَ مصطفےٰ
يا عمل کښې ئې نهٔ کوي څوک اتباع
هغه زړۂ کله کيدے شي دے تور کانړے
دے هغه لهٔ هدايت ځنې جدا
دَ امت خيال ئې پهٔ زړۂ کښې ؤ معراج کښې
پهٔ محشر به هم وي فکر ورسره
دَ احسان بدله احسان ده پهٔ قرآن کښې
دَ وفا بدلهٔ کيدے شي بس وفا
کمالات ئې لهٔ هر چا ځنې وچت دي
ښائسته والے ئې ښائسته دے لهٔ هر چا
چې ثاني ئې دَ جمال اؤ کمال نشته
زړۂ به ئې ولې نهٔ وي عشق کښې مبتلا
اے شبيره هغه کس بس انسان نه دے
چې هغه باندې ئې زړۂ نه وي فدا