خواهشات چې دَ نفس کله نه ختميږي
اؤ پهٔ دې حالت دې زړۂ نه خفه کيږي
نو ماتم پهٔ دې حالت درته پکار دے
سوچ کوه بياچې زما به څهٔ چل کيږي
دَ ژوند هره يو لمحه دې قيمتي ده
چې تېر وخت پهٔ هېڅ صورت نهٔ واپس کيږي
تا دَ نورو فکر کښې ځان ولې هېر کړو
پهٔ خپل ځان دې ولې زړهٔٔ نهٔ خفه کيږي
پهٔ دنيا کښې دې پهٔ نورو بيمارانو
کله ځان نه زيات ستا زړهٔٔ پرې خفه کيږي
دَ شيطان دَ دهوکو جال نهٔ ځان لږ بچ کړه
اے شبيؔره ګني هر څهٔ دې ورکيږي