دَ غرض مينه ده مينه دَ غرض، دوستي ده کله
بروسه پهٔ داسې خلقو باندې جوړه شي مشکله
بې غرضه محبت کښې اندېښنې خو داسې نهٔ وي
نو بيا داسې دوستي ولې نهٔ پالې تهٔ وايه ګله
لار چې تاته دَ دنيا ښائي هغه دَ ستا دښمن دے
چې دَ خدائے لار درته ښائي پهٔ هغهٔ پسې ورزغله
شيخ دَ زړهٔ ستا تعارف کړي دَ الله سره پهٔ مينه
ستا خېر خواه دے پهٔ اصلاح کښې ورنه ډډه کوې څهٔ لهٔ
زمونږ مينه دَ غرض ده دَ الله سره خو خېر دے
کهٔ پهٔ دې پوه يې شبيؔره دې نه نشته لاره بله