پهٔ زړهٔ کښې مينه دَ نبي دې وي عمل پهٔ سنت
چې دا دَ خدائے دپاره وي دَ بل څهٔ نشته حاجت
چې دے لهٔ ټولونازولے زيات نو پوه شئ پهٔ دې
پهٔ سنتونو دَ هغهٔ تلل دے محبوب حالت
ګفت دے دَ خدائے وَ رفعنا لک ذکرک کتاب کښې
بيا پهٔ شان څنګه دَ هغهٔ کولے څوک شي حيرت
تاسو ته دَ ځان نه دې نزدې شمه آقا وئېلي
قربان زهٔ ولې نهٔ کړم ځان پهٔ هغهٔ اؤ غېرت
پهٔ لار دنيا کښې دَ محبوب خپل روان نهٔ شم ولې
پهٔ کوم چې ما جوړوي خپل محبوب رب العزت
شبؔيره کله توان دَ ليک لرم دَ نعت دَ هغهٔ
بس رسوم زهٔ پهٔ دې باندې خپل زړګي ته راحت