غوښتل

يو ستا غوښتل يو دَ هغهٔ غوښتل دي

چې دي زمونږ کوم هغه څهٔ غوښتل دي

پهٔ مونږ لهٔ مونږ زيات مهربان دے هغه

نو دَ هغهٔ غوښتل بس ښهٔ غوښتل دي

مونږه تفويض کهٔ پهٔ هغهٔ وکړلو

هر څهٔ غوښتل دي کهٔ هېڅ نهٔ غوښتل دي

توفيق ډېر غواړه دَ توبې لهٔ هغهٔ

اور مړ کولو ته اوبهٔ غوښتل دي

يو پهٔ غفلت سره غوښتل کړي خلق

يو نمونځ نهٔ پس ښهٔ اؤ پهٔ زړهٔ غوښتل دي

شبؔير هغهٔ نه هغه غواړي صرف

څومره ډېر ګوره ښهٔ ددهٔ غوښتل دي