پهٔ نظر زما شېخ راشي کله ستا چې سوچ کومه
تهٔ زما پهٔ ياد کښې راشې چه هغهٔ ته وګورمه
کار زما دَ شېخ خو دادے چې ما تا سره ملاؤ کړي
زۂ عاشق يمه دَ ستا بس تا پهٔ زړۂ کښې زۂ ساتمه
زما شېخ چې کله ماوته وګوري پهٔ مسکا شي
شي خوشحال چې زۂ دَ ستا يم اؤ دَبل چا زۂ نهٔ يمه
دا دَ زړۂ دے تعلق دَ زړۂ سره دا بل څهٔٔ نهٔ دي
چې هغه چرته هم لاړ شي نو بس هلته کښې زۂ يمه
زۂ فنا شوم پهٔ هغهٔ کښې خونظر زما پهٔ تا دے
دَ هغهٔ نقشِ قدم باندې چې زۂ هر وختې ځمه
زۂ دَ شېخ پهٔ محبت کښې شوم دَ ستا دا شبيؔر وائی
زۂ فنا کهٔ پهٔ هغهٔ يم ستا دپاره خاورې شومه