شېخ يو کړکۍ ده معرفت دپاره
دَ پاک الله دَ محبت دپاره
ده ذريعه دَ اخستو دَ خدائے نه
دَ هر يو قسم سعادت دپاره
لمن دَدهٔ پهٔ سچه ونيسه تهٔ
دَ دې خپل نفس دَ تربيت دپاره
زړهٔ کښې دَدهٔٔ کهٔ محبت ستا راشي
لکه سرهٔ زر دي دې محنت دپاره
کله محنت دا استعمال نهٔ کړې تهٔ
تصرف کشف کرامت دپاره
کهٔ اغستل لهٔٔٔ دې فائدہ تهٔ غواړې
زړهٔ خپل تيار کړه دَ ښهٔ نيت دپاره
شبيؔره کېږده پهٔ قدم دَ شېخ تهٔ
قدم دا لار ده دَ جنت دپاره