وتي لارې مختلفې دي لهٔٔٔ زړۂ نه
دا غوږونه ، سترګې ژبه دي لهٔٔٔ دهٔ نه
کهٔ زړۂ ټيک شو کړي دا ټول به ټيک کارونه
نو دَدهٔٔ پهٔ تربيت وکړه پالنه
کهٔ کامل شېخ کله تاته ميسر وي
ورسره شه نور ويرېږې بيا لهٔٔ څهٔ نه
چې بغېر دَ نېک صحبت نه دې دنيا کښې
کهٔ وګورې دّ خېر لاره ده ازغنه
ګل ازغي ته کله چا دے پرېښودلے
اؤ دَ چا نهٔ ده پکار دَ مېوې ونه
اے شبيؔره صفائی دَ زړهٔ پکار ده
بيا دَ دغې پاکۍ ده پکار ساتنه