دَ نظر خپل حفاظت ډېر ضروري دے
دَ الله چې محبت ډېر ضروري دے
مخ ترې واړوه لهٔ ګند چې پهٔ نظر شي
پهٔ خپل روح کښې دا طاقت ډېر ضروري دے
غشي سم دي ستا پهٔ زړهٔٔ راورېدو ته
اؤ دَدې نهٔ ئې حفاظت ډېر ضروري دے
دا نظر زمونږ ، دَ زړهٔٔ مو دروازه ده
پهٔ دې باندې اوس محنت ډېر ضروري دے
پهٔ نفس پښه کېږده ګني نو خرابېږې
دَ خپل نفس چې تربيت ډېر ضروري دے
عافيت هم لهٔ خپل رب غواړو شبيؔره
ورسره هم هدايت ډېر ضروري دے