محبت کیسے حاصل ہو؟

جب محبت سے ہے سب کچھ¹ تو کہے اک سائل

یہ محبت پھر ہمیں کیسے ہوسکے حاصل

بولے اک شخص کہ چند باتوں پر گرکر لیں عمل

شاید پھر بابِ محبت میں آپ ہوں داخل

ذکر اللہ کا اگر آپ کو دائماً ہو نصیب

اور تربیت کے لیے کوئی مل سکے کامل

ان کی صحبت میں اسے ڈھونڈ اگر یہ نہ ملے

مطالعے میں کتابیں ہوں پھر ان کی شامل

نقص دنیا کی محبت کا دل سے نکلے ترا

پھر یہ ممکن ہے بن سکے تو بھی اس کا حامل²

دل میں اللہ کی محبت کا نور پاؤ اگر

پھر نہ دنیا کی محبت کی طرف ہو مائل

ہاں مگر جس کا دل بھی حبِّ الہٰی پائے

وہ دل میں اس کی محبت کا کیسے ہو قائل³

یہ محبت وہ سمندر ہے جس کی حد ہی نہیں

اس کے ہوتے نظر آئے کسی کو کیا ساحل⁴

بس تڑپنا ہی محبت کا تقاضا ٹھہرا

آگے شبیر کوئی کیسے کہیں ہو نازل⁵