محبت کی دنیا - پیغامِ محبت

محبت کی دنیا، ہے دنیا نرالی

تکبر حسد اور ریا سے ہے خالی

جو تنگی نظر کی ہے، اس میں نہیں ہے

وفا عفو کی نہر ہے اس میں جاری

کوئی وسعتیں جانے دل کی ہیں کتنی

کہ انگشت بدنداں ہے یہ عقل ساری

یہاں ہے جلن نفس کی خواہشوں کی¹

وہاں ٹھنڈی آہوں کی² بھرمار پیاری

اسے³ اب بٹھاہی دے دل میں تو اپنے

ب ِ نا اس کے عمر تو نے کیسے گزاری

جو پیارا ہے اس کا تمہیں بھی ہو پیارا

اگر تم پہ اس کی محبت ہے طاری

طریقہ اگر اس کا پایا ہے تو نے

بشارت تجھے ہو ہو محبوب ِ باری⁴

جو مانے نہیں اس کو⁵ اس کو توچھوڑو

ہے محرومی اس سے سزا اسکی بھاری

وہ مجھ پر جو ہےمہربان مجھ سے زیادہ

کروں زندگی کیوں نہ میں اس پہ واری

نہ چھیڑو شبیر ؔ دل کے نغمے رکو اب

دبی ہی رہے بہتر⁶ آوازتمھاری