نن زمونږه قافلې ته لهٔ حرم روانيدل دي
ضبط کول راته پکار دي يقيناً چې دا مشکل دي
څومره خوند ؤ اؤ مزه وه دَ کعبې دَ سوري لاندې
دا ښائسته ښائسته ځايونه راته دلته پريښودل دي
کاش چې مونږه دَ خپل وخت قدر وے کړے چې وو دلته
دا قانون دَ ژوند روان دے پهٔ دې باندې پوهيدل دي
روزانه چې دَ زمزم اوبه مونږ څښلې کاسو باندې
هر څهٔ پاتې شولو دلته اوس نصيب کښې ژړيدل دي
کعبه وه لکه دَ شمعې اؤ مونږ ټول ئې پتنګان وو
شمعه پاتې شوه شبيره پهٔ پتنګ غم تېريدل دي