ياد کړه مسجد تنعيمه هغه دور
چې عمره تانه وه کړي زمونږ مور
دَ عمرې دَ پاره خوږ نبي راواستول
تاته راغلل پهٔ دې شان سره دَ ورور
چې ابن زبير تعمير کړه کعبه کله
دَ عمرې دَ پاره راغلل ستا پهٔ لور
دَ مکې خلق پيدل ورسره هم وو
شکريه کښې دَ تعمير دَ خدایٔ دَ کور
دَ احناف پهٔ نزد عمره ستانه افضل ده
بعضې خلق پهٔ دې باندې کوي شور
وايیٔ مسجدِ تنعيم نه عمره نشته
دوی به څومره ثبوتونه غواړي نور
خير دے وايیٔ دې جاهل خلق بدعت دے
اے شبيره دَ جاهل به وي څهٔ زور