لږ ساعت کښې خپل وطن ته زمونږ تلل دي
پهٔ کارونو دَ دنيا مشغوليدل دي
دلته څومره ارادې مونږ نيکې وکړې
دغه ټولې ارادې يادې ساتل دي
پهٔ بيا بيا دې مبارک شه حاجي حج ستا
برکت دَ دغې حج پاتې کول دې
کهٔ دې ژوند کله بدل شو پهٔ دې حج کښې
دَدې حج پهٔ قبليدو خوشحاليدل دي
پهٔ نامه دَ حاجي کله عاشق نه شې
دَ شو شا نه لرې لرې تښتيدل دي
پهٔ ژړا به خندا هلته نصيب کيږي
ګناهونو باندې رب ته ژړيدل دي
دا کوشش به مونږ کؤو تهجد ګزار شو
دې دَپاره اوس لهٔ وخته پاسيدل دي
مالياتو کښې هم مونږه لاس صفا کړو
ځان دَ بل چا حق نه هر وخت بچ کول دي
دا اشعارِ الهامي چې دَ شبير دي
ټول عالم کښې دَدې فکر خورول دي
مونږ سواره چې پهٔ جهاز کښې شو جده کښې
پريشان شو يو عجبه مسٔله کښې
پهٔ جده کښې شو داخل دَ ماښام وخت ؤ
پهٔ ختلو کښې جهاز ؤ کار مو سخت ؤ
دَ جدې نه ده کعبه پهٔ نمر خاتهٔ
اؤ زمونږ ؤ هم پهٔ دغه طرف تلهٔ
نمر خاته طرف ته کله چې هم تلل وي
دَ نمونځ وخت چې کوم وي زر زر ختميدل وي
بل جهاز دغه وخت سيده پهٔ قبله ؤ
دَ سمت دَ بدليدو غم راسره ؤ
چې مکي سره جهاز کله تېريږي
سمت بيا دَ جهاز بالکل الټه کيږي
نمونځ دوران کښې چې سمت کله الټه شي
اړول دَ مخ پهٔ نمونځ کښې مسئله شي
انتظار کښې دَ نمونځ وخت به ختميدلو
دَ ماښام وخت ؤ ډېر زر به تېريدلو
لږ وچت چې شو جهاز مونږ پاسيدلو
دوه کسان وو زر پهٔ جمه ودريدلو
شکر شکر چې زر نمونځ مو مکمل کړلو
پهٔ مشکل سره پوره مو دا عمل کړو
کهٔ څوک وکړي لږ همت نو خدایٔ ئې مل شي
پهٔ مدد دَ خدایٔ هر يو مسئله حل شي