کهٔ څوک وګوري حالات دَ نيازبين خلقو
عجيبه وي نفسيات دَ نيازبين خلقو
دَ بل چا ورسره خيال خو دَ څهٔ نه وي
وي لهٔ بل مطالبات دَ نيازبين خلقو
دَ ډېر عمر نيکي لږ څهٔ کښې کړي لړه
چهٔ پهٔ لږ څهٔ شي زړهٔ مات دَ نيازبين خلقو
پهٔ بحثونو کښې ترې څوک نهٔ شي ګټلے
عجيبه وي اشکالات دَ نيازبين خلقو
نيازبين والے نن صبا لوۓ مصيبت دے
جوړ شي کله لوۓ فسات دَ نيازبين خلقو
خپل اولاد دې نيازبينیٔ نه څوک شبيره
ډېر مشکل وي احکامات دَ نيازبين خلقو