کاميابی خو پهٔ کار باندې حاصليږي
انتظام سره دا کار کهٔٔ کله کيږي
قال بې حاله لاش بې روح دے نو بيا دا به
دفن کيږي کهٔٔ دا حال ئې نهٔ سميږي
هر عمل دَ خدائے دپاره بس پکار دے
پهٔ طريق دَ مصطفٰے کهٔ هم چليږي
دَّ خدائے مينه ده پکار هر يو عمل کښې
بس پهٔ دې به دے دَ نفس ځنې خلاصيږي
دَ دنيا مينه هر يو عمل دنيا کړي
پهٔ ښهٔ نيت دغه دنيا هم دين جوړيږي
اے شبيؔره دَ خپل ځان فکر زر وکړه
ګني وخت خو درنه دغه دے تېريږي