مدرسه خانقاه دَ علم و ذکر دوه دي مرکزونه
نو دِدو دَ يو ځائے والې مستحسن شو کوششونه
مدرسې نه دَ تعليم کار اخستے شي ، اؤ خانقاه کښې
سالکانو ته حاصل شي احساني کېفيتونه
مدرسه کښې دَ تعليم وي انتظام دَ طالبانو
خانقاه کښې دَ سالکانو شي کېدے تربيتونه
مدرسه کښې کار لهٔٔ ذهن اخستل پهٔ يو ترتيب وي
پهٔ خانقاه کښې ټيک کوے پهٔ بل ترتيب شي بيمار زړونه
مدرسه کښې دَ استاد شاګرد رشته وي پهٔ تعليم کښې
پهٔ خانقاه کښې مريداخلي لهٔٔٔ خپل شېخ نه سبکونه
دَ تعليم و تربيت جوړ ړاځي علم و ذکر باندې
اے شبيؔره تا اوچت کړل پهٔ دې ګفت ډېر حجابونه