کوم پېغام چې دَ شعرونو دَ اقبال دے
دے تسخير پکښې دَ زړونو ، باکمال دے
لهٔٔٔ رومي مو واخستلو چې ئې استاد دے
کوم تطبيق چې ئې مشکل دَ قال اؤ حال دے
"پهٔ خودیٔ کښې دَ اقبال بې خودي پټه
دَ رومي ده ، دغه فکر بې مثال دے
دَ مفهوم صحيح کېدل ډېر ضروري دي
ګني بيا خو دَ هر چا خپل خپل خيال دے
که خودي مونږ کړو جدا لهٔٔ بې خودیٔ نه
پهٔ الټه سمت کښې تلل دي الټه چال دے
چې فنا شي نو بقا مومي شبيؔره
حقيقت دے باقي هسې قيل و قال دے