خانقاہ رحمکاریہ امدادیہ

حدیثِ جبرائیل علیہ السلام

رسول اللہ صلی اللہ علیہ وسلم ایک دن لوگوں کے ساتھ تشریف رکھتے تھے کہ ایک نیا آدمی خدمت میں حاضر ہوا اور پوچھا: یا رسول اللہ! ایمان کیا ہے؟ نبی کریم صلی اللہ علیہ وسلم نے فرمایا کہ ایمان یہ ہے کہ تم اللہ پر، اس کے فرشتوں، اس کی کتابوں، اس سے ملاقات اور اس کے رسولوں پر ایمان لاؤ، اور (قیامت کے دن) دوبارہ اٹھائے جانے پر ایمان لاؤ۔ انہوں نے پوچھا: یا رسول اللہ! اسلام کیا ہے؟ نبی کریم صلی اللہ علیہ وسلم نے فرمایا کہ اسلام یہ ہے کہ تنہا اللہ کی عبادت کرو اور کسی کو اس کا شریک نہ ٹھہراؤ، نماز قائم کرو اور فرض زکوٰۃ ادا کرو اور رمضان کے روزے رکھو۔ انہوں نے پوچھا: یا رسول اللہ! احسان کیا ہے؟ نبی کریم صلی اللہ علیہ وسلم نے فرمایا کہ احسان یہ ہے کہ تم اللہ کی اس طرح عبادت کرو گویا کہ تم اسے دیکھ رہے ہو ورنہ یہ عقیدہ لازماً رکھو کہ اگر تم اسے نہیں دیکھتے تو وہ تمہیں ضرور دیکھ رہا ہے۔

پس تزکیہ (ظاہر و باطن کی پاکیزگی) کے لیے صحیح عقائد، نیک اعمال، پاک دل اور فرمانبردار نفس ضروری ہیں، اس لیے ان تینوں شعبوں کو سمجھنا ضروری ہے۔ اسی مقصد کے لیے اس ویب سائٹ کی خدمات حاضر ہیں؛ اپنی ضرورت کا شعبہ منتخب کیجیے۔